Westonaria se stortingsterrein is skoongemaak weens druk van AfriForum se Westonaria-tak en samewerking van belanghebbendes.
Volgens Esther Swart, hul takvoorsitter, kon inwoners nie meer met die stank weens die agteruitgang van die stortingsterrein saamleef nie.
“Die sleutel tot dié sukses is volgehoue druk en dan samewerking tussen belanghebbendes. Dit was ‘n stortingsterrein wat vir ‘n paar jaar nie gebruik kon word nie en nou is enige een daar welkom,” het sy gesê.
Volgens Esther is daar tans geen reuke, vlieë en gevare soos voorheen nie.
“Die uitkoms van die projek is ‘n baie groot sukses vir AfriForum sowel as die munisipaliteit. Moses Mokwane van die munisipaliteit, Foster Chauke, ’n inspekteur asook Enoch Bokala, toesighouer en Jacobus Ntshidi, ‘n diensverskaffer wat deur die munisipaliteit aangestel is, het saam met ons gewerk om die stortingsterrein skoon, veilig en toeganklik te maak.”
