Gebreekte vensters en leë bierbottels is aan die orde van die dag by die Randfontein Poskantoor.
Volgens Marie Roodt, ‘n nuwe inwoner van Randfontein het die munisipaliteit wel op die laaste dag van Februarie uiteindelik die gras en onkruid gesny nadat dit reeds vensterhoogte gestaan het, maar die toestand van die poskantoor is steeds tragies.
Dit lyk baie beter vandat hulle die gras gesny het, maar die vullis lê nog net so,” het sy gesê.
Sy woon nog net ‘n maand in Randfontein en is baie teleurgesteld oor die toestand van die munisipale geboue in die dorp.
Lees ook:
“Ons is belastingbetalers, maar ons geld word nie gebruik om instandhouding te doen nie. Die gras was baie lank voordat hulle dit gesny het. Die poskantoor is binne baie netjies en veilig en daar is selfs ‘n sekuriteitswag, maar van die straat se kant af is die poskantoor ‘n seer oog vir die dorp,” het sy gesê.
Netheid is nie die poskantoor se enigste probleem nie. Die Herald het op 26 Februarie berig dat verskeie inwoners se pos weekliks verkeerdelik by die Wilken-gesin in Greenhills afgelewer word.
“Dis uiters swak dienslewering as jy my vra. Ek hoop nie dat hulle weer gaan wag tot die gras vensterhoogte staan voordat dit gesny word nie.”
