FOTO’S: Motorfietsryers ondersteun Tristan Angel Trust

Die Poker Run-fondsinsameling die afgelope naweek ten bate van Randfontein se swembad-slagoffertjie was 'n groot sukses.

May 28, 2019

Jaco-Mari Futcher Less than a minute

Tristan Sellwig raak baie opgewonde oor motorfietse. Foto: Jaco-Mari Futcher.

Motorfietsryers vanoor die Wes-Rand het op Saterdag, 25 Mei bymekaargekom om aan ‘n Poker Run-fondsinsameling ten bate van die Tristan Angel Trust deel te neem.

Braam Venter van Muscles 4 Jesus het ‘n spesiale gebed aan die Sellwig-gesin opgedra en almal het saam gebid. Foto: Jaco-Mari Futcher.

Tristan Sellwig, 7, wat op die ouderdom van drie jaar amper verdrink het, gaan binnekort Indië toe om vir ‘n vierde keer ‘n stamseloorplanting te ondergaan. Daar is egter fondse nodig om dit moontlik te maak.

Estelle en Baksteen Duvenhage tydens die Poker Run-fondsinsameling. Foto: Jaco-Mari Futcher.

Volgens Johnny Benecke van Mac’s Randfontein-motorfietsklub, was die fondsinsameling ‘n groot sukses en sal hul bydrae aan die Tristan Angel Trust ‘n groot verskil in Tristan se lewe maak.