Geliefde inwoner, Ben Dippenaar, 74, oorlede

Ben Dippenaar, 74, jarelange inwoner van Randfontein is onlangs oorlede.

Volgens Jackie Bosch, sy kleindogter, het haar oupa op 30 April sy stryd van 20 maande met kanker en nierversaking verloor.

“Dis met hartseer dat ons familie en vriende vir ‘Oom Ben’ – soos almal hom geken het – onlangs moes groet,” het Jackie gesê.

Oom Ben is in Randfontein gebore en het die grootste deel van sy lewe hier gewoon en gewerk.

Jackie het bygevoeg dat haar oupa se moedigheid en geloof ‘n inspirasie vir baie mense was.

“Graag wil die familie almal bedank wat tydens Oom Ben se siekte en afsterwe hul ondersteuning en liefde betoon het. Tot ons weer ontmoet!”