Groot planne vir Riebeeckmeer

Twee jong Randfonteiners het die gemeenskap se hulp nodig om die Riebeeckmeer weer tot sy volle glorie te herstel.

Keagan en Victor Bush, tweede prinse in onderskeidelik die Mr Randfontein 10–13- en Mr Randfontein 14–17-kompetisie, het gevoel dat hulle vir hierdie terrein, wat eens op ‘n tyd ‘n uitspanplek vir die hele gesin was, ‘n nuwe baadjie wil aantrek.

Hulle het gesê dat hulle die munisipaliteit gaan nader sodat hulle die projek saam kan aanpak. As deel van die projek gaan hulle al die gras sny en die bosse verwyder, die stukkende vensters regmaak, en die trein wat voorheen ‘n restaurant was, asook die glybaan en die klimrame oorverf en netjies maak.

“Ons gaan baie hulp nodig hê, maar ons glo ons sal dit kan doen,” het Keagan bygevoeg.