Nuwe gesigte deel van Riebeeckrand-familie

Hoërskool Riebeeckrand het met trots drie nuwe name tot die Riebeeckrand-familie gevoeg toe hulle hul nuwe beheerliggaamslede verwelkom het.

Die skool het in Oktober vir Alex Wray, Marius van Zyl en Bertus Denysschen tot hul beheerliggaam verkies.

Elzeri Wright, skoolwoordvoerder het vertel dat Alex as die beheerliggaam se nuwe voorsitter verkies is, en bygevoeg dat hy opgewonde is oor dit wat voorlê. Hy wil verdere hoogtes saam met die skool bereik wanneer hy saam met die Riebeeckrand-familie die skool help bestuur.

“Die beheerliggaamslede word sterkte toegewens vir die termyn waarin hulle op die beheerliggaam dien,” het Elzeri gesê, en beklemtoon dat Riebeeckrand uitmuntende mense het wat hul skool bestuur en leiding gee.