Kankerdag vir bewusmaking in Toekies
Die span het sommer vroeg die oggend begin en het reeds van sesuur af pienk strikkies vir mans en vroue aangesteek.
Bekende Toekomsrus-inwoner, Koekie Alie en ‘n groep vroue wat saam met haar vir die gemeenskap kos maak, het op Donderdag, 22 Oktober, hul jaarlikse Kankerdag-funksie gehou.
Die span het sommer vroeg die oggend begin en het reeds van sesuur af pienk strikkies vir mans en vroue aangesteek. Die strikkies was ‘n simbool van die mense wat hulle verloor het as gevolg van kanker, en ook van dié wat tans ‘n stryd teen die siekte voer.
Volgens Koekie is die funksie wat sy en die groep vroue elke jaar by die hooftaxihalte in Toekomsrus hou, nie net aangebied omdat dit Kankerdag was nie, maar ook omdat van haar eie familielede kanker het..
“Mense wat aan kanker ly, lê my baie na aan die hart,” het Koekie vertel.
Sy het verduidelik dat die span ook met almal gesels het oor die verskillende tipes kanker, en hulle aangeraai om hulself gereeld te laat toets.
