Dit was vir Laerskool Rapportryer ‘n eer en voorreg om onlangs Mnr en Mej Rappies, wat as ‘n besondere glansgeleentheid beskou word, aan te bied.

“By hierdie spoggeleentheid het ons gepoog om absoluut ‘n positiewe impak te skep in ons gemeenskap. Die geleentheid het individuele deelname aangemoedig asook die samesyn van deelnemers en ons ouergemeenskap. Die skepping van God het na vore gekom met elke seun en dogter se besonderse talent,” het skoolwoordvoerder Esmé Botha gesê.

Die reis op die verhoog het begin met Demi Lee Moore as gaskunstenaar en John Owens, Mnr Suid-Afrika, as seremoniemeester en die stem agter die skerms Ju-han Swart. Die reis het gesorg vir die teenwoordigheid van spontane handeklap en toejuiging.

“Dit was die verwesenliking van ‘n ‘groot droom’ vir ons skool deur skoolhoof Andre Kruger en organiseerder Magda Swart. Baie dankie aan ons 82 finaliste, 10 ystermanne en Rappies se borge en ouers vir julle onbaatsugtige bydraes. Julle kinders was fenominaal. En laaste, maar die grootste van alles, baie dankie aan ons Hemelse Vader vir Sy genade en alle eer aan Hom!”