Babakatjie in kragboks gevind

Cast Aways Animal Sanctuary moes inspring en ‘n babakatjie red wat binne ‘n kragboks in Wilbotsdal gevind is.

Louisa Rossouw, eienaar van Cast Aways het verduidelik ’n inwoner het die kat hoor huil en gaan ondersoek instel.

Hulle het dit alleen in die kragboks en in ‘n goeie toestand gevind.

Die katjie sal oor drie weke beskikbaar wees vir aanneming. Rossouw het bygevoeg dat niemand nog na vore gekom het om die kat op te eis nie. Sy vermoed dit is dalk die baba van ‘n wilde of rondloper kat.