Trots loop hoog vir Rappies se rugbysterre

Laerskool Rapportryer se o.10-rugbyspan het geskiedenis gemaak toe hulle as wenners van die Goue Leeus-finaal uit die stryd getree het – ’n prestasie wat laas in 1996 deur die skool behaal is.

Dié oorwinning is ’n noemenswaardige mylpaal in die skool se sportgeskiedenis en sal nog vir jare onthou word. Toewyding en harde werk het verseker dat hierdie span hul stempel afdruk.

Skoolwoordvoerder Celeste Wentzel het afrigters Tiaan Nel en Rudi Marx bedank vir hul bydrae gedurende die toernooi.

“Hul passie en deursettingsvermoë het die seuns geïnspireer om groot te droom en hard te werk. Hierdie span is die trots van Rappies, en dit is nog net die begin!” het sy bygevoeg.