Nie eens uitdagende weertoestande kon Laerskool Rapportryer se jaarlikse Rappies Gholfdag stuit nie.

Op 21 November was die Krugersdorp Gholfklub se baan besig met 140 spelers wat vasbeslote was om die dag te geniet, ondanks die reën en hael.

Volgens skoolwoordvoerder Celeste Wentzel het die sterk ondersteuning verseker dat elke speler met ’n prys huis toe is. Die fondse wat ingesamel is, sal aangewend word om leerders se groei en ontwikkeling te bevorder.

“Ten spyte van die nat weer was die atmosfeer op die baan vol entoesiasme, glimlagte en gemeenskapsgees – ’n bewys dat niks die Rappies-familie se samehorigheid kan demp nie,” het Celeste gesê.