Jannas is passievol oor skaak

Hoërskool Jan Viljoen (Jannas) se leerlinge blink op verskeie gebiede uit, ook in skaak.

Die skool se twee o.18-spanne het aan die uitdunne vir die Distrik 2-span deelgeneem en goed gevaar. Hulle het onderskeidelik vierde en vyfde in die kompetisie geëindig.

Jannas se skaakboffins oefen smiddae na skool en hou daarvan om teen mekaar te speel. Hulle daag ook die onderwysers uit vir ‘n potjie skaak.

“Skaak is een sportsoort waaraan jy van kindsbeen af tot as bejaarde kan deelneem, self al is jy bedlêend. Het jy geweet dit is wetenskaplik bewys dat skaak jou wiskundevermoë verbeter? Ons is baie trots op dié leerlinge,” het Tamaryn Smith, skoolwoordvoerder gesê.

Lees ook:

Marilee ‘n Protea vir die toekoms

Jannas se topbestuur aangekondig