Riebeeck-ruiter een van SA se Top 19
Graad 12-leerder van Hoërskool Riebeeckrand aangewys as een van Suid-Afrika se Top 19 ruiters in die dresseerafdeling.
Nicolette Spoelstra,’n Graad 12-leerder van Hoërskool Riebeeckrand bereik groot hoogtes met haar perdryvaardighede.
Nicolette het in Augustus aan die Gauteng-uitdunne deelgeneem, waarna sy in die Gauteng C-span opgeneem is.
Tydens die uitdunronde het die ruiters van Gauteng-Wes, Gauteng-Suid, Gauteng-Oos en Gauteng-Noord hulle beste gegee vir ‘n plek in die Gauteng-span.
Gedurende Oktober het Nicolette en haar mede-deelnemers by Misty Meadows buite Pretoria bymekaargekom om aan die Nasionale Kampioenskappe deel te neem. Nicolette het tydens die kampioenskappe aan twee dresseeritems deelgeneem, en met ‘n 17de en ‘n 18de plek weggestap.
Nicolette is ook tydens dié kampioenskappe aangewys as een van Suid-Afrika se Top 19 ruiters in die dresseerafdeling.
Hoërskool Riebeeckrand is baie trots op Nicolette se uitstekende prestasies. Sy is ‘n formidabele ruiter en verteenwoordig Hoërskool Riebeeckrand met trots by die al die kampioenskappe.
Het jy dalk meer inligting rakende dié storie? Stuur gerus vir ons ‘n e-pos na randfonteinherald@caxton.co.za (sluit asseblief kontakbesonderhede in) of skakel ons by 011 693 3671.
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes Roodepoort Record, Krugersdorp News en Get It Joburg West Magazine
Besoek ook ons Facebook, Twitter en Instagram blaaie om jou stem te laat tel!
