Laerskool Randfontein begin nou al uitsien na 2024 se atletiekseisoen en om daardie lus onder die leerders te prikkel het die skool onlangs hul huissport-byeenkoms aangebied.
Atlete van graad 2–6 het deelgeneem en ook met hul Springbok-ondersteunersklere gespog. Die 2024 graad eens sal eers in die begin van die nuwe jaar wel aan hul eie atletiekbyeenkoms deelneem.
Skoolwoordvoerder Annie Nolan vertel dat die gees onder die leerders ‘elektries’ was en dat ‘n nuwe rekord op die dag verbeter is. Maddison Broodryk het die 1 500m rekord vir dogters o12 met ‘n uitnemende tyd van vyf5 minute en 31 sekondes verbeter.
Maddison is ook bekendgestel as die Senior Victrix Ludorum terwyl Jerome Dawson as die Senior Victor Ludorum aangewys is.
Robert van Coller is as afrigter geloof en volgens Annie het die skool se atletiek onder sy leiding gegroei.
