Doele en drieë by dosyne tydens mininetbal- en rugbydag
Vanjaar se Welpierugby- en Mininetbaltoernooi aangebied deur Rappies het soveel as 1 600 deelnemers gelok.
Laerskool Rapportryer se jaarlikse Welpierugby- en Mininetbaltoernooi het honderde ywerige spelers en ’n groot skare gelok.
• Lees ook: Rappies-rugby sit die bal aan die rol
“Die dag het ons grootste verwagtinge oortref. Nie net was daar 1 600 deelnemers nie, maar ouers en grootouers het die spelers kom ondersteun,” het die skoolwoordvoerder, Celeste Wentzel, gesê.
Sy het bygevoeg dat meer as 100 doele aangeteken is en dat daar dosyne drieë gedruk is. Vyftien skole, van so ver as Bryanston en Fochville, het aan die geleentheid deelgeneem.
Die sport was egter nie die enigste genot van die dag nie. Verskeie kosstalletjies het toeskouers met heerlike eetgoed bederf.
Ons plaaslike skole het dit geweldig geniet om teen skole van ander gebiede mee te ding. Laerskool Rapportryer bedank almal wat die skool op hierdie dag ondersteun het,” het sy afgesluit.
