Kom speel saam met Connies bingo
Die bestuur van die Connie Muldersentrum doen 'n beroep op die gemeenskap om hul Bingo aand by te woon.
Die Connie Muldersentrum se bingo-aand geniet jarliks baie aftrek van die gemeenskap af en aangesien dit weer daardie tyd van die jaar is, doen die bestuur van dié sentrum ‘n beroep op die gemeenskap om die funksie by te woon.
Volgens die Hoof Uitvoerende Beampte van die Connie Muldersentrum, Gordon Henney, beloof die geleentheid om weereens ‘n aand vol pret en plesier te wees.
“Soos in die verlede het ons verskeie lekker pryse om weg te gee tydens die geleentheid,” vertel Gordon opgewonde.
Die bingo-aand sal op 26 Julie plaasvind.
Siende dat dié funksie ‘n groot gunsteling onder die gemeenskap van Randfontein is, doen Gordon ‘n beroep op die gemeenskap om so gou moontlik hul plek te bespreek om teleurstelling te voorkom.
“Al die geld wat op die wyse ingesamel word is ten bate van Connie Muldersentrum.
“Daarom is dit net nog ‘n pretbelaaide manier waarop jy die Connie Muldersentrum kan ondersteun,” vertel Gordon.
Die bingo-aand sal stiptelik om 7nm op 26 Julie afskop en as jy deel wil wees van die pret, bespreek jou sitplek so gou moontlik.
Vir meer inligting rondom die funksie, skakel gerus vir Gordon Henney by 011 278 9904/5/6.
