Die polisie is Vrydag steeds op soek na drie gewapende mans wat ’n groep Chinese toeriste in hul toerbus Donderdag buite Pretoria van die pad af gedwing en hulle beroof het.
Sers. Obakeng Mabaso, Gautengse polisiewoordvoerder, het gesê dié gewapende mans het Donderdag in ’n wit Audi met die registrasienommer XYK 841 GP op die bus op die N4 buite Pretoria losgebrand, die bande stukkend geskiet en die toeriste in die bus oorval en hul van hul besittings beroof .
“Die mans in die Audi het op die bus geskiet en dit tot stilstand gedwing. Hulle het in die bus geklim en op die toeriste se besittings aangedring,” het sy gesê.
Volgens Mabaso is die rowers weg met selfone, kameras, horlosies, handsakke en van die toeriste se paspoorte.
Mabaso het gevra dat enigiemand wat dié Audi sien, Crime Stop by 08600 10111 bel of Crime Line by 32211 SMS.
Lees ook:
Rowers brand los op bus vol internasionale toeriste
