Brief nie vervals, versoek vir geld wél ’n slenter
Tshwane-metro-brief die waarheid, maar versoek vir geld ’n slenter, maan metro.
Die Tshwane-metro brief wat inwoners waarsku dat kragtoever na sekere persele gestaak gaan word omdat die diensterekening agterstallig is, is nie ‘n slenter nie.
Versoeke van ‘n sogenaamde metro-werker, Steve, wat R500 eis om dit weer aan te skakel, is egter wel ‘n slenter, maan metro-woordvoerder Lindela Mashigo.
Dié berugte brief is verlede week in die Montana-omgewing versprei en het inwoners dadelik op hol gehad.
Mashigo het Maandagoggend bevestig dat die metro wel hierdie soort briewe aan inwoners stuur. “Geen metro-werker mag enige geld aanvaar, behalwe as dit by een van die munisipale-betaalpunte betaal word nie. Inwoners word versoek om die metro-polisie te bel indien ‘n metro-werker omkoopgeld eis.”
Hy het gesê inwoners kan metro-kredietbeheer kontrakteurs aan hul identiteitskaarte asook hul voertuig-plakkers identifiseer.
Mashigo het gesê inwoners kan die finansies-afdeling by 012-358-5079 of 012-358-3239 kontak indien hulle metro werkswyses wil nagaan.
Vir jou daaglikse gratis gemeenskapsnuus, besoek Rekord se webwerwe:
Besoek ook ons Facebook en Twitter blaaie.
