Man in Mooikloof doodgeskiet
Dit het gebeur nadat hy sy voordeur vir ‘n vreemdeling oopgemaak het.
‘n Man is hierdie week in die vroeë oggendure in Mooikloof in die ooste van Pretoria doodgeskiet.
Die eienaar van die kleinhoewe waar dit gebeur het, Robbie de Jongh, sê die slagoffer was een van sy getroue werkers.
“Hy werk al van 1969 af vir my en hy bly al vir 15 jaar lank hier.”
De Jongh sê twee mans het omstreeks 03:00 aan die voordeur van een van sy werkers geklop, maar geen reaksie gekry nie.
“Toe hulle aan nog ‘n werker se deur klop, het hy oopgemaak. Hulle hom begin vloek en van sy klere en wasgoed gevat,” sê De Jongh.
“Hulle het hom in die hart geskiet voordat hulle gevlug het.”
Die werker is op die toneel dood.
De Jongh sê die aanvallers het van ‘n onwettige smokkelhuis (shebeen) af gekom.
Sy buurman het verlede week ‘n soortgelyke skietery beleef.
“Twee mans het my buurman in sy motorhuis aangeval. ‘n Skoot is afgevuur, maar die koeël het deur die dak gevlieg.”
Die polisie kon nie die skietery dadelik bevestig nie.
Lees ook:
Inwoner moeg vir Tshwane-metro
Diefstal van hond het vrou bekommerd
Sluwe vrou bedrieg nog inwoners
Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 083 625 4114.
Vir jou daaglikse gratis gemeenskapsnuus, besoek Rekord se webwerwe:
Besoek ook ons Facebook, Twitter en Instagram blaaie.
