Die 20-jarige, Benjamin Bezuidenhout, het Vrydagoggend naby die kus van die Griekse eiland Kefalonia gesterf.

Volgens sy ma Lualle Lessing was haar seun op sy gelukkigste in die water.

Benjamin het vermis geraak nadat hy in die water naby die katamaran waarop hy gewerk het, geduik het.

Sy liggaam is Vrydagoggend ná ʼn grootskaalse soektog gevind.

Intussen het medelye op sosiale media ingestroom. Verskeie vriende en familie het ook huldeblyk-videos gedeel.

Lualle het ‘n foto van Benjamin gedeel waar hy glimlag onder water met die volgende opskrif:

“Dit is hoe jy gekies het om dieper vrede te vind my liefde.”

Sy is die eienaar van ʼn haarsalon in Garsfontein in Pretoria, Timeout Glamour.

Lualle sê Benjamin het gelewe in die see.

“Jy het gelewe in die see, en jy het gesterwe in die see. Maar jy sal verewig aanhou lewe in my hart.”

Sy het ook onder meer op haar Facebook gesê sy het geweet Benjamin het begin lewe toe sy voete land op die Griekse eiland.

Lees ook: Hoë koppe betrek by musiekfeesskandaal

Het jy dalk meer inligting rakende dié storie? 

Stuur gerus vir ons ‘n epos na  bennittb@rekord.co.za of skakel ons by 083-625-4114.

Vir jou daaglikse gratis gemeenskapsnuus, besoek Rekord se webwerf: Rekord

Besoek ook ons Facebook, Twitter en Instagram blaaie.