Stephan Visagie wil bosveld toe in nuwe enkelsnit
Henri Alant se bydrae tot die sukses van die liedjie is onmiskenbaar.
Stephan Visagie, ’n gerekende sanger en liedjieskrywer in die Afrikaanse musiekbedryf, het in samewerking met die talentvolle musikant, Henri Alant, ’n nuwe enkelsnit “Vergeet My Hier” vrygestel.
Die liedjie is beskikbaar op alle digitale platforms vanaf 21 April.
Stephan Visagie is ’n trotse lid van die legendariese Vonk Musiek, wat bekend is vir die ontdekking van baie bekende en suksesvolle kunstenaars in die Afrikaanse musiekbedryf.
Hy is reeds bekend vir sy treffer “4 Keeps”, wat hom in 2017 in die kollig geplaas het. Sedertdien het sy musiekloopbaan ’n stroomversnelling ondergaan en sy werk word tans hoog aangeskryf in die musiekbedryf.
“Vergeet My Hier” is die perfekte opvolg-enkelsnit van Stephan se vorige liedjies, insluitend “Amper Daar”, wat in 2022 bekendgestel is.
Hierdie nuwe liedjie het egter ’n heeltemal unieke tema wat uit Stephan se liefde vir die bosveld gebore is – ’n plek wat hy beskryf as sy “happy place”.
Dit is die plek waarheen hy gaan om te ontsnap van die stres van die lewe en om sy siel te voed.
Hierdie gevoel word perfek vasgevang in die woordkeuse en melodie van die liedjie.
Volgens ’n persverklaring was Alant se ervaring en talent sleutel tot die enkelsnit se sukses.
Henri Alant, wat al ’n geruime tyd in die musiekbedryf werk, is ’n baie talentvolle musikant en word beskou as een van die beloftevolle jong kunstenaars van ons tyd.
Sy bydrae tot die sukses van die liedjie is onmiskenbaar.
“Vergeet My Hier” is ’n liedjie wat nie net ’n spesiale plek in Stephan se hart het nie, maar ook ’n liedjie wat ons almal kan inspireer en aanmoedig om ons eie “happy place” te vind.
Die liedjie is ’n weerspieëling van die rustigheid en vrede wat daar in die bosveld ervaar word en bied ’n boodskap van hoop en gemoedsrus aan almal wat dit hoor.
Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 083-625-4114.
Vir jou daaglikse gratis gemeenskapsnuus, besoek Rekord se webwerf: Rekord
Besoek ook ons Facebook, Twitter en Instagram blaaie.
