Jonges laat die houte klap op rolbalbaan
Jong rolbalspelers vanoor die hele Gauteng het by die onlangse Gauteng Jeug Uitdaagtoernooi gewys dat die sport besig is om te groei onder die jeug.
Die jaarlikse Gauteng Jeug Uidaagtoernooi is onlangs op die bane van die Munisipale Rolbalklub in Pretoria afgehandel.
Soos Rekord reeds verlede jaar berig het, is rolbal lankal nie meer ’n sport net vir oumense nie. Al hoe meer jonger spelers neem deel aan rolbal en dit lyk of Pretoria van die land se beste jong spelers oplewer.
Spanne van provinsies soos Gauteng Noord (Pretoria), Ekurhuleni (Oos-Rand) en die Sables van Wilgeheuwel (Wes-Rand) het by hierdie toernooi op o.15, o.20 en o.30 vlak teen mekaar gekompeteer.
Die plaaslike spanne van Gauteng-Noord het in twee van die afdelings koning gekraai toe beide die o.30’s en die o.20’s hul afdelings gewen het. In die afdeling vir o.15 spelers was dit egter die Wes-Randers van Sables wat met die eerste plek kon spog.
Die o.20’s van Gauteng Noord se oorwinning in hierdie toernooi volg op hul prestasie van verlede jaar toe hulle as nasionale kampioene gekroon is.
Gauteng-Noord se naasbeste spanne het in elke afdeling tweede plekke behaal.
Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 072 435 7717.
Vir jou daaglikse gratis gemeenskapsnuus, besoek Rekord se webwerwe:
