Karlien en Derick se tweeling word 2!

Klein Daniël en Eliah vier eersdaags hulle tweede verjaarsdag en het onlangs, ‘n hele paar dae vroeg, saam met familie en vriende feesgevier.

Die skattige tweeling het ‘n Barney-tema verjaardagpartytjie gehad en mamma Karlien het trots foto’s op sosiale media gedeel.

“Die tweeling se 2de verjaarsdag partytjie was die beste! Dankie aan die mense wat dit so maklik gemaak het vir my om net die dag met hulle te geniet!,” het Karlien op haar Facebook-blad gesê.