Op Saterdag, 7 September het die tweede jaarlikse Semas Abacus streekskompetisie in Polokwane plaasgevind.
Curro Heuwelkruin het hierdie kompetisie by Café Pavilion in die stad aangebied en 62 leerders van Polokwane het deelgeneem.
Die kompetisie het oor verskeie vlakke en grade plaasgevind en deelnemers moes die Japanese abakus bemeester om deel te neem.
Tyd het ‘n groot rol gespeel en deelnemers het twee vraestelle geskryf.
In die eerste vraestel het leerders die abakus gebruik. Deelnemers moes 40 optel- en aftreksomme binne ses minute voltooi.
Die tweede vraestel het gefokus op hoofrekene waar deelnemers, deur die abakus te visualiseer, 40 somme binne twee minute moes voltooi.
Die tellings is uitgewerk en die deelnemer met die hoogste persentasiepunt is as Kampioen van Kampioene aangewys. Die deelnemer met die tweede hoogste totaal is as Kampioen aangewys.
Daarna het die volgende 20% van die deelnemers met die hoogste punte goue medaljes gekry, die volgende 30% het sil-wer medaljes gekry en die volgende 40% het brons medaljes gekry.
