Pieties skenk 165 eenhede bloed
Leerders, leerkragte en ouers van die Hoërskool Pietersburg (PHS) het verlede week 165 eenhede bloed tydens ‘n skenkerkliniek in die skoolsaal geskenk. Die skool bied kwartaalliks bloedskenkkli-nieke aan waartydens die Suid-Afrikaanse Nasionale Bloeddiens (SANBS) Limpopo telkens ‘n stewige hupstoot vir hul bloedvoorraad kry. PHS-leerders wat as bloedskenkverteenwoordigers werk het ingespring om soveel as moontlik potensiële …
Leerders, leerkragte en ouers van die Hoërskool Pietersburg (PHS) het verlede week 165 eenhede bloed tydens ‘n skenkerkliniek in die skoolsaal geskenk.
Die skool bied kwartaalliks bloedskenkkli-nieke aan waartydens die Suid-Afrikaanse Nasionale Bloeddiens (SANBS) Limpopo telkens ‘n stewige hupstoot vir hul bloedvoorraad kry.
PHS-leerders wat as bloedskenkverteenwoordigers werk het ingespring om soveel as moontlik potensiële skenkers onder die wakende oog van Zelda van Jaarsveld, onderwyser en SANBS-koördineerder, te werf.
Altesaam 196 Pieties het die kliniek besoek maar weens mediese redes kon 31 nie skenk nie.
Dottie Pinn, skakelbeampte van die SANBS Limpopo sê PHS bied telkens een van die mees georganiseerde klinieke aan en sy is baie dankbaar dat jongmense help om ander ‘n beter kans op lewe te gee.
Skenkers het elkeen ‘n sleutelhouer as dankbetuiging van die SANBS ontvang.
LEANDRI VAN SCHALKWYK
>>leandri.observer@gmail.com
