Raakvat redding vir rommel

Na talle inwoners hulle misnoeë rakende die vullis op die Lisbonpad uitgespreek het, het DA Raadslede Yolandé Coetzee en Korny Dekker dit onder die Mogalakwena Munisipaliteit se aandag gebring.

September 24, 2016

Less than a minute

Die area rondom die lisbonpad het soos 'n vullishoop gelyk.

MOKOPANE – Die munisipaliteit het tot aksie gespring en ‘n maatskappy aangestel, wat gehelp het om die terrein op te ruim en so ook bewusmaking vir onwettige vullisstoring te skep.

Die Mokopane Besigheidskamer het ‘litterpickers’ en handskoene asook ‘n vragmotor, geborg wat verlede Vrydag gehelp het om die vullis weg te ry.

Dekker en Coetzee sê hulle wil al die probleem gebiede takel, maar vra dat die gemeenskap geduldig moet wees, want dit verg baie tyd en befondsing.

Hulle maan ook die gemeenskap aan om nie hulle vullis onwettig te stort in die dorp nie en verduidelik ook dat die gemeenskap verantwoordelik is vir hulle eie tuin- en bourommel.