Flink reaksie trek booswigte vas

Suricat Armed Response se flink spanwerk het wéér tot die arrestasie van ‘n booswig gelei.

November 11, 2016

Less than a minute

Senior Reaksie-offisier van Suricat, Rassie Erasmus en sy waghond Sussa maak ‘n formidabele span.

MOKOPANE – Arno Bronkhorst, reaksie-offisier, vertel inwoners het Saterdagaand omstreeks 21:30 ‘n klag by die beheerkamer ingedien dat hulle verdagte persone by Mokopane Tobacco gewaar het.
“Ek, Jacob Kgase, Bertus Hoffman en Rassie Erasmus het ondersoek gaan instel en die verdagtes het die hasepad ingeslaan. Ons het een verdagte in Thabo Mbekierylaan vasgetrek en aan die polisie oorhandig.”
Kgase sê hulle vermoed daar was drie verdagtes en nadat hulle ondersoek ingestel het, het hulle gevind dat hulle besig was om koperdrade en pype te buit.
Die boosdoeners staar ‘n klag van huisbraak en diefstal in die gesig.