Dié PLS rubgyspelers maak naam
Lafras Holtzhausen en Ertjie Lourens was twee rugbyspelers wat PLS by die Bokkieweek verteenwoordig het.
POLOKWANE – Om vir ‘n skool se eersterugbyspan gekies te word, is ‘n voorreg en vir die meeste spelers ‘n droom.
Wanneer hulle dus gekies word om aan die Bokkieweek deel te neem, bars hulle behoorlik van trots.
By Pietersburg Laerskool is dit ook nie anders nie, en het spelers opgewonde na Kroonstad vertrek vir dié gewilde byeenkoms wat vanaf 24 tot 28 Junie plaasgevind het.
Lafras Holtzhausen en Ertjie Lourens was twee rugbyspelers wat PLS by die Bokkieweek verteenwoordig het.
Lafras was vir die eerste keer by dié toernooi en sê dit was lekker om deel van al die aksie te wees. Hy is verkies as o/13-kaptein van die toernooi.
Ertjie sê die toernooi was so lekker, hy wens dit kon langer duur. Hy is aangewys as die o/13-voorspeler van die toernooi. Beide seuns was ook in die skool se eerstespan en gaan nou aan hokkie deelneem aangesien die rugbyseisoen tot ‘n einde gekom het.
Ander PLS-leerders wat ook deel van die Bokkieweek was: Nico Botha (o/14: man van die wedstryd), Arno Roberts (o/13: man van die wedstryd) en Ruan Stoltz (o/13: beste agterspeler).
