Day Jol bly ‘n brullende treffer
Reeds van vroeg Saterdag het die geur van gebakte eiers en spek asook dié van pannekoek die inwoners uit die bed gejaag.
POLOKWANE – Inwoners van Ons Tuiste Ouetehuis sien reeds vir weke uit na die jaarlikse besoek van die motorfietsgemeenskap aan die tehuis.
Reeds van vroeg Saterdag het die geur van gebakte eiers en spek asook dié van pannekoek die inwoners uit die bed gejaag met die gedreun van motorfietse wat van ver reeds gehoor kan word.
Die jaarlikse Day Jol is ‘n samewerkende projek met Ullysses Bosveld en die Rotary Pietersburg 100. Benewens die heerlike ontbyt was daar ook ander stalletjies met iets van alles te koop. Die kinders kon hulle gate uit geniet op die springkasteel en sommige het selfs ‘n rit op ‘n motorfiets gekry.
Die verskillende motorfietsklubs wat teenwoordig was sluit in Ullysses Bosveld, Born to Ride Free, Roadhogs Pietersburg en Phalaborwa, Just numbers, Mega Force, Aqulla, Ghost Riders, Crusaders, Clan Vernox en Alphas.
Wilma Prinsloo van Ullysses Bosveld sê daar is ongeveer R51 000 ingesamel, maar die kroeg se inkomste en ander uitgawes moet nog bygewerk word.
