PHS se rugbygees brand hoog ná finaaloorwinnings
'n Nuwe afdeling, 'n nuwe uitdaging, nog steeds dieselfde onblusbare Pietie-gees," sê skoolhoof Adolf Ellis ná Hoërskool Pietersburg se dubbele finaaloorwinning.
POLOKWANE – Die vreugdevure het Saterdag hoog gebrand by Hoërskool Pietersburg nadat beide die eerste- en o/16A-spanne, wat deurgedring het na die Virseker Noordvaal Cub 2026 skildafdelingfinaal, hulle onderskeie eindstrydwedstryde gewen het.
Die finale wedstryde vir die o/14-, o/15-, o/16- en die eerstespanne het Saterdag op Hoërskool Pietersburg se velde plaasgevind en ondersteuners kon goeie rugby geniet.
PHS gaan na dese vanaf die 2027 rugbyseisoen in die Virseker Noordvaal Cup Plaat-afdeling deelneem.
“Hierdie besondere mylpaal getuig van ons rugbymanne en die afrigters se harde werk, hulle toewyding en die uitmuntende kwaliteit en hoë standaard van rugby by PHS. Ons is opgewonde vir die nuwe uitdaging en is gereed om ons stempel af te druk, elke geleentheid aan te gryp en die Pietie-naam met trots hoog te hou. ‘n Nuwe afdeling, ‘n nuwe uitdaging, nog steeds dieselfde onblusbare Pietie-gees,” wens skoolhoof Adolf Ellis die rugbyseuns en skeidsregters geluk.
- o/14A: Hoërskool Ben Vorster klop Hoërskool Eldoraigne: 36-19.
- o/15A: Ligbrong Akademie klop Hoërskool Secunda: 20-15.
- o/16A: PHS klop Hoërskool Piet Retief: 45-5.
- Eerste span: PHS klop Hoërskool Marais Viljoen: 53-24.
PHS is ook genooi om in Maart 2027 aan die NMI Toyota Noord/Suid-rugbytoernooi deel te neem waar hulle teen Hoërskool Sentraal en Bethlehem Voortrekker Hoërskool te staan sal kom.
