Skuts korrel fyn tydens die BJV se skietdag

Die Bosveld Jagters en Wildbewaringsvereniging (BJV) het verlede Saterdag ‘n skietgeleentheid vir sy skuts by die Pietersburg-tak aangebied.

Rudi Myburgh van die BJV Pietersburg-tak het in die afdeling vir mans met die louere weggestap met ‘n uitstekende 96%.

Die uitslae was as volg:

Mans:

1. Rudi Myburg – 96%.

2. Decs de Jager en André Jonker – 90%.

3. Quintin Reynolds – 87%.

Vroue:

1. Yolandi Jonker – 84%.

2. Amanda de Jager – 76%.

3. Lizelle Reynolds – 70%.

Hoërskool-skuts:

1. Roelof Myburg – 63%.

2. Brendon Steyn – 30%.

Laerskool-skuts, seuns:

1. Dré Jonker – 82%.

Laerskool-skuts, meisies:

1. Anika Myburg – 70%.

Skuts het tydens hierdie geleentheid met haelgewere, .22-gewere asook jaggewere aangelê na die verskeie teikens.

Hulle het met jaggewere vanaf 200m uit ‘n dooierus posisie gekorrel na ‘n spingbok-teiken. Daarna het hulle vanaf ‘n 100m sittende posisie ‘n rooibok-teiken geklits en vanuit ‘n staan-posisie oor ‘n afstand van 35m ‘n vlakvark-teiken geskiet.

Skuts het ook na ghonge geskiet wat tussen 150m en 200m uitmekaar geplaas is.

Ook het hulle met .22-gewere oor ‘n afstand van 50m na tien siloeët-teikens geskiet. Die vorms van die teikens het gewissel van hoen-ders en varke tot kalkoene.

Skuts het ook met haelgewere na kleiduiwe geskiet.