Muurbalspelers reg vir kampioenskappe

POLOKWANE – Limpopo se top-muurbalspelers het onlangs meegeding vir die nommer een posisie in die Limpopo-muurbalkampioenskappe.

Meer as 30 spelers van regoor die provinsie het aan die kampioenskappe deelgeneem van 14 tot 16 Maart.

In die mans-afdeling het Marnus Janse van Rensburg van Mokopane en Christiaan Labuschagne van Polokwane sake uitgespook in ‘n naelbyt-finaal.

Janse van Rensburg het as wenner uit die stryd getree.

In die vroue-afdeling het die verdedigende vrouekampioen, Ronel Welman, van Makhado daarin geslaag om haar titel te behou as Limpopo-kampioen met Mieke Pistorius van Modimolle in die tweede plek.

‘n Totaal van 16 spelers het ook Limpopokleure verwerf en sal die Limpopospan verteenwoordig in die Suid-Afrikaanse plattelandse muurbalkampioenskappe wat van 8 tot 10 Mei in die Boland sal plaasvind.

Hulle is:

• Marnus Janse van Rensburg;

• Conrad Janse van Rensburg;

• Robert Abrahamse;

• Christiaan Labuschagne;

• Shamier Cassim;

• Franco Welman;

• Dawie Groenewald;

• Leon van der Merwe;

• Emmie van Zyl;

• Isabel Lamprecht;

• Theo Schlieben;

• Ronel Welman;

• Nets Turvey;

• Vincent van der Merwe;

• Lofty Fourie, en

• Mieke Pistorius.