Erica speel krieket vir skool se beurs
Erica Pre-primêre Skool het op 8 November 'n aksiekrieketdag aangebied as 'n fondsinsamelingsprojek vir die skool.
POLOKWANE – Erica Pre-primêre Skool het op 8 November ‘n aksiekrieketdag aangebied as ‘n fondsinsamelingsprojek vir die skool.
Ses spanne naamlik die Eendjiespan, Zebraspan, Skilpadspan, Berespan, Olifantspan en Kameelperdspan het mekaar by die Polo-kwane Action Sports Arena die stryd aangesê.
Elke span het twee wedstryde gespeel waarna die Olifantspan en Berespan in die finaal gespeel het.
Die Berespan, gelei deur hul kaptein Lauran Du Toit, het as kampioene uit die stryd getree.
“Dit was ‘n dag gevul met groot pret en bewys net weer dat Erica ‘n skool is wat sterk kameraadskap aanmoedig,” het Hennie Sibley, een van die deelnemers, gesê.
Dewald Fuchs van die Kameelperdspan is as die beste bouler aangewys en Lettie Killian van die Olifantspan is as die beste speler asook beste kolwer aangewys.
