Mookgophong stoeier spog met silwer in Egipte
Bobaasstoeier, Hanru Botha, was een van slegs twee stoeiers wat Suid-Afrika verlede week tydens die Senior Afrika kampioenskappe in Egipte verteenwoordig het.
MOOKGOPHONG – Hy het ‘n silwer medalje verower.
Die wêreld se beste stoeiers het hulle vernuf in die kryt gewys en Botha spog met ‘n 10-0 wen teen sy teenstaander van Marokko. Hy wen ook sy teenstaander van Egipte en ‘n 17-7 om sy plek in die eindstryd te bespreek.
Na ‘n titaniese eindronde teen ‘n stoeier van Tunisië het hy net-net die titel as wenner gemis en ‘n silwer medalje opgeraap.
Die kampioenskappe is deels ‘n kwalifiserende toernooi vir die Olimpiese Spele en die stoeiers moes ‘n plek in die top twee opraap om later vanjaar in Mongolië of Turkye te gaan stoei om ‘n plek by die Olympiese Spele te verseker.
Botha is deel van die alombekende Extreme Fighting Championship (EFC) en beoefen die sport nou voltyds.
Sy pa en afrigter, Rudi Botha, sê:”Ek is baie trots op Hanru se puik prestasie.”
