Taberna Dei Ooskampus bied ‘n unieke konsert vir inwoners aan
Die A.G.S. Taberna Dei Ooskampus in Bekkerstraat het verlede Donderdag- en Vrydagaand hul vierde jaarlikse Barnyard-konsert aangebied
POLOKWANE – Die A.G.S. Taberna Dei Ooskampus in Bekkerstraat het verlede Donderdag- en Vrydagaand hul vierde jaarlikse Barnyard-konsert aangebied.
Gaste het hulle eie piekniekmandjies gebring of hulle kon heerlike kos koop by die kerk. Die geure van kerrie en rys, worsbroodjies met die lekkerste tama-tiesmoor, pannekoek en skyfies het in die lug gehang en die smaakknoppies geprikkel.
Taberna Dei se aanbiddingspan en vier lede van die Limpopo Youth Orchestra het ‘n wye verskeidenheid musiek gespeel.
Die musiek het gewissel van Beet-hoven se vyfde simfonie en ander klassieke stukke, tot kontemporêre liedjies, Afrikaanse musiek, Country en volksliedjies soos My Sarie Marais en die ou bekende My Bonny Lies Over the Ocean.
Die opkoms vir hierdie konserte was uitstekend en sangleier Douglas Brooks het gesê hulle het in die verlede tot 600 mense op een slag by ‘n Barnyard-konsert gehad.
