Pretdag om geld in te samel vir kankerlyer

Kom geniet ‘n pretdag vir ‘n goeie doel.

Henda Nel is ‘n 18-jarige jong vrou van Polokwane wat tans teen kanker stry. Henda het ‘n been-murgoorplanting nodig nadat sy gediagnoseer is met limfoblastiese T-selleukemie.

Hierdie tipe kanker sluit beenmurg-, brein-, senustelsel- en limfoonkanker in.

Henda se mediese fonds dek nie al die onkostes van die beenmurgoorplanting nie en daarom het weldoeners ‘n fondsinsamelingsgeleentheid vir haar gereël.

Al die geld wat op die dag ingesamel word, sal vir Henda se beenmurgoorplanting aangewend word.

Die pretdag vind plaas op 31 Januarie by die Polokwane-ringbalbane in Dorpstraat.

Die verrigtinge skop om 10:00 af met ‘n potjiekoskompetisie. Ook sal daar opwindende ringbalwedstyde gespeel word.

Uitstallers kan stalletjies huur. Registrasies vir uitstallers sluit op 25 Januarie.

Vir meer inligting oor toegang tot die pretdag, koste van stalletjies en ander navrae, kontak gerus vir Sandra by 082 857 1401, Riana by 084 504 1675, Louwrenzia by 071 957 0491 of Vicky by 082 469 4347.