Trapklub Standerton het aan die 94.7 ‘Ride for a Purpose’ deelgeneem

STANDERTON – Die Standerton Trapklublede het aan die 17de Momentum 94.7 Cycle Challenge deelgeneem.

Die wedren het begin en geëindig by Waterfall Country Estate naby Kyalami.

‘n Rekord aantal inskrywings van 31 500 ryers het aan die wedren deelgeneem en 19 204 het dit amptelik voltooi.

Die afstand van die wedren was 94.7 km.

Die organiseerders van die wedren het die slagspreuk van ‘Jo’burg’s Toughest Race’ verander na ‘Ride for a purpose’.

Daar was 182 geregistreerde liefdadigheidsorganisasies wat deel was van die wedren.

Hulle beoog om R10 miljoen te skenk aan dié liefdadigheidsorganisasies.

Negentien van die klublede het die wedren voltooi.

Hulle was Dan Cronje (3:03), Andre Havenaar (3:15), Annelie Cronje (3:16), Jaco Stadler (3:18), Jan Lombard (3:20), Paul Rebelo (3:34), Cobus Rossouw (3:36), Lerina Hepburn (3:41), Joao da Encarnacao (3:49), Daniel dos Santos (3:49), Carlos de Melo (3:52), Branko Mladina (3:56), Lynne Holliday (4:01), Caren Viljoen (4:02), Herman Kriel (4:03), Hester van Zyl (4:53), Monica Swart (5:05) en Pieter Swart (5:33).

Heather-Lee Holliday, ‘n graad agt leerling van Standerton Hoërskool en ‘n lid van Trapklub Standerton, het aan haar 3de “Cycle Challenge” deelgeneem.

Sy het die afstand in ‘n tyd van 4:15 voltooi en was tweede in die D0/14-afdeling.

Ander Standerton-inwoners wat deelgeneem het, is Bennie Kemp (4:15), Wynand de Witt (4:59), Andre Moolman (5:08) Dirk Verster (5:17), en Pieter Stassen (5:15).

Die 94.7 Bergfietswedren het die volgende dag plaasgevind.

Die wedren het begin en geëindig by Waterfall Country Estate.

Dit was ‘n tegniese roete wat uit twee verskillende afstande bestaan het.

Twee van Trapklub Standerton se lede het aan die 30km wedren deelgeneem.

Hulle was Carlos de Melo (2:05) en Peter Danie (2:31).
Branko Mladina (3:43), Paul Rebelo (4:08) en Joao de Encarnacao (4:08) het aan die 55km-roete deelgeneem.