Mans gooi klippe na voertuie

TRICHARDT – ’n Motoris se voertuig is Vrydagaand, 1 Julie beskadig toe drie jong mans dit met klippe gegooi het vanaf ’n brug oor die N17-snelweg.

“Ek wil mense waarsku teen dié drie mans,” het die motoris gesê.

Hy en sy vrou was omstreeks 9nm vanaf Trichardt na Bethal op pad en het van die snelweg afgetrek nadat hul voertuig met klippe gegooi is.

Hy het uitgeklim en gesien hoe drie jong mans bo-op die brug staan en hulle dophou.

“Ek was kwaad en het teen die wal van die brug na hulle toe gehaldloop, maar hulle het in ’n Golf geklim en weggejaag,” het hy gesê.

Die man het inwoners gewaarsku om versigtig te wees as hulle onderdeur brûe ry.

Hy het die voorval by die Trichard Polisie aangemeld.