SECUNDA – Plaaslike motorfietsklubs staan saam om die Matthee-gesin wat Maandag, 28 Julie in ’n ongeluk betrokke was, te help om geld in te samel.

Die ma, me. Lizelle Matthee (22) en haar driejarige dogtertjie, Jordan, is in die ongeluk dood en die pa, mnr. Niel Matthee (29), is in die hoësorgeendheid van die Medicinic Highveld nadat hy Dinsdag, 29 Julie ’n operasie ondergaan het.

Hy het vyf ribbebene in die ongeluk gebreek en sy een nier en diafragma seergemaak.

Die gesin het nie geld vir ’n begrafnis nie en mnr. Matthee het nie ’n begrafnispolis nie.

DJ Tjorrels  gaan Vrydag, 1 Augustus om 6.30nm gratis musiek maak by Our Place op Trichardt om die gesin te help om geld in te samel.

Toegang is R20 en enigiemand wat ’n donasie wil maak, is welkom.

DJ Tjorrels het mense genooi om die aand saam met hulle te gaan geniet en te dans.