Brits-boere skenk groente
Sop word weekliks op Saterdae vanaf 10 tot 12 by Nestle Huis 6 uitgedeel.
BETHAL – Lede van die sopprojek het onlangs ’n groot groenteskenking van inwoners van Brits ontvang.
Mnr. Stegman en me. Velente Bothma het boere in die Brits-omgewing genader vir skenkings.
Die Bethal Sopprojek wat deur me. Michelle Viljoen en mnr. Hennie Rademeyer bestuur word, se doel is om die minderbevoorregtes te help en weekliks vir hulle sop uit te deel.
Volgens me. Viljoen het baie boere bygedra en het mnr. Wally Arrow het die groente op Sondag, 28 Junie gaan haal.
“ Die groente gaan nie net vir die sopprojek gebruik word nie, maar ook vir die Bethal Sopkombuis wat behoeftiges op Bethal en eMzinoni help,” het sy gesê.
Me. Viljoen het mnre. Johan van Staden (Van Staden Boerdery), Rob Kemp (Avondfresh), Joey Langberg (Langberg Boerdery), Theuns Coetzee (Coetzee Boerdery) en Wouter Powell vir hulle ondersteuning, bedank.
Sop word weekliks op Saterdae vanaf 10 tot 12 by Nestle Huis 6 uitgedeel.
Skakel me. Viljoen by 060 491 7038.
