Scruffy is weer op pad
Kyk van hierdie week af uit vir ‘Scruffy’. Moet dit nie mis nie.
TRICHARDT – Dit is weer tyd om vir Scruffy uit te kyk.
Hy maak jaarliks sy verskyning in die strate van Secunda, Trichardt en omliggende omgewings en kinders en selfs volwassenes word opgewonde wanneer die groot rooi wa met sy takbokke en liggies aankom.
Die rooi wa word deur die vier takbokke, Reindeer Rudolph, Dasher, Prancer en Comet, gesleep.
Kersvader kom spesiaal van die Noord-Pool af om saam met Scruffy te ry en lekkergoed en geskenke aan kinders uit te deel.
Modern Collision Repair Centre, Hops Racing Development en Global Towing and Recovery op Trichardt wil jaarliks ’n verskil in die gemeenskap maak.
Sagte speelgoed en lekkergoedpakkies word opgemaak en aan kinders in die gemeenskap uitgedeel.
Hulle beplan vanjaar om ook skole en minderbevoorregte gedeeltes van die omgewing te besoek.
Enigiemand wat graag wil help om ’n verskil te maak of wat ’n donasie wil gee, kan Marcha skakel by 082 4945 422.
Vir meer nuus besoek gerus ons ander webblaaie.
Ridge Times, Standerton Advertiser & Highvelder
”Like” ons op Facebook en volg ons op Twitter.
Vir nuus na jou selfoon:
BBM – 2667A726
WhatsApp – 0748877590
