Een ernstig beseer na voertuig twee beeste tref
Die omvang van hul beserings is onbekend.
Drie mense is in ’n ongeluk beseer na hul voertuig twee beeste getref het.
Die ongeluk het bykans 15km buite Standerton plaasgevind.
Volgens inligting was die voertuig op pad na Standerton.
Drie insittendes is na die Standerton Hospitaal geneem.
Die omvang van hul beserings is onbekend.
Die Standerton Polisie, AfriForum, en die insleepdienste was op die toneel.
Nie een van die beeste het die voorval oorleef nie.
Volgens nuwe inligting is mnr. Deodat Prenzler, die boer op soek na ‘n derde bees wat betrokke was.
Hy kan nie op hierdie stadium kommentaar lewer nie.
OPVOLG 8 April 8.06vm
Volgens mnr. Hillel Coetzer, voorsitter van AfriForum se Standerton-tak, is een persoon ernstig beseer.
Hy het ook gesê dat mnr. Prenzler ondersoek gaan instel oor hoe die beeste uitgekom het.
