Secunda treur oor Divan en Lenie

SECUNDA – Divan Botes en sy ouma, me. Lenie Mynhardt, is Sondag, 21 Augustus in ’n motorongeluk naby die Devon-afrit op die N17-snelweg dood.

Divan se ma, me. Daleen Botes, het die naweek gewerk en hy het by sy ouma gebly.

Me. Botes het haar ma geskakel om uit te vind waar hulle is.

Die volgende oproep wat sy ontvang het, was van die polisie af wat haar meegedeel het dat daar ’n ongeluk was.

Me. Mynhardt en Divan is blykbaar op slag dood.

Divan was ’n leerling aan Laerskool Kruinpark en die skool het die week as donker beskryf.

Divan het aan krieket en karate deelgeneem.

Me. Mynhardt was by die Secunda VLU-tak betrokke.