Mnr. Rosier de Ville, DA-raadslid, het op 27 Oktober teenwoordigheid van gees behou toe booswigte twee keer probeer het om sy selfoon in die hande te kry.
Die eerste keer het een man in Beyers Naudéstraat oorkant die Toristo Kompleks dit probeer buit, maar hy het dit na ‘n gestoei teruggekry.
Toe hy ‘n uur en 20 minute later in sy voertuig geklim en probeer het om ‘n oproep te maak, het vier skelms die motor se deure oopgeruk en alles gegryp wat hulle kon.
Mnr. De Ville het verbete aan sy selfoon geklou en sy aktetas en bos sleutels is gesteel.
‘n Karwag by Lawrence Oogkundiges het alles aanskou en een skurk agernagesit en die aktetas wat op die grond neergegooi is, terug aan hom besorg.
“Niemand behalwe die wag het ‘n hand bygesit om te help nie,” het mnr. De Ville gesê.
“Ons mag nie toelaat dat misdadigers die oorhand in ons dorp kry nie.”
