SECUNDA – Hoërskool Secunda het Dinsdag, 27 Maart op hul tuisveld met Hoërskool Bastion in die NWU Pukreeks meegeding.
Meeste van Secunda se rugbyspanne het hul wedstryde gewen.
Die eerstespan het Bastion met 41-29 geklop, terwyl die tweedespan met 12-19 verloor het.
Hoërskool Secunda se derdespan het met 29-0 gewen, die 0/16A-span met 51-21, die 0/15A-span met 10-5 en die 0/14A-span met 52-0.
Die 0/14B-span het met 17-25 verloor.
Lees ook: Hoërskool Secunda se spiesgooier bring goud huistoe
Hoërskool Secunda se netbalspanne het ook die meeste van hul wedstryde gewen.
Die eerstespan het Bastion met 41-20 geklop, die tweedespan het met 28-7 gewen, die 0/15A-span met 28-14, die 0/15B-span met 43-3, die 0/14A-span met 22-9 en die 0/14B-span met 22-9.
Albei Hoërskool Secunda se 0/16-spanne het hul wedstryde verloor. Die A-span met 16-22 en die B-span met 10-13.
Al Hoërskool Secunda se seuns- en dogtershokkiespanne het hul wedstryde gewen.
Die eerste seunshokkiespan het met 4-0 gewen en die 0/15-seunsspan met 6-0.
Die eerste dogterspan het met 3-0 gewen, die tweedespan met 5-0, die 0/16A-span met 1-0, die 0/15A-span met 7-0 en die 0/14A-span met 6-0.
