Vroue lewer getuienis by Vrouedag-viering

Hoërskool Standerton het gasheer op Donderdag, 9 Augustus, vir ’n Vrouedag-herdenking gespeel waar unieke getuienis aangehoor is.

Me. Amanda le Roux het saam met die Standerton4Jesus-leraarsforum die geleentheid gereël waar sewe vroue hulle belewenisse aan die gehoor oorgedra het.

Sowat 330 vroue het opgedaag om die verrigtinge, wat vanaf 9vm tot 2nm geduur het, by te woon.

Televisie-opnames is ook van dié dag gemaak.

Volgens me. Le Roux het ’n komitee, bestaande uit ’n paar gemeentes op Standerton, die interkerklike byeenkoms georganiseer.

“Dit was uniek en ’n sukses,” het sy gesê.