Secunda VLU-lede is kunstig met papierblomme

Secunda VLU vergader weer op Woensdag, 9 Oktober om 9vm by Die Ark by die N.G. Kerk Secunda-Oos/Goedehoop-gemeente en belangstellendes is welkom om dié vergadering by te woon.

September 21, 2019

Jana Oosthuizen 1 minute read

Me. Estelle Boshoff en me. Liana Claasen is by die Secunda VLU se vergadering op Woensdag, 4 September met die blomme wat hulle uit papier gemaak het.

SECUNDA – Me. Maryna Hartman van die Secunda Vroue Landbou-unie (VLU) het in Augustus by die Mpumalanga VLU-kongres wat op Hazyview gehou is, ‘n eerste plek met haar voetmatjie losgeslaan.

Sy het algeheel agtste uit 25 lede geëindig vir puntetoekenning.

Lede van die Secunda VLU het op Woensdag, 4 September by Die Rots by die N.G. Kerk Secunda-Oos/Goedehoop-gemeente vergader.

Me. Santie Pretorius van Mangolisa het die lede geleer hoe om papierblomme te maak.

Me. Rika Viviers, Secunda VLU se oudste lid, het op 26 Augustus haar 89ste verjaardag gevier en die takbestuur het haar gelukgewens.

Secunda VLU vergader weer op Woensdag, 9 Oktober om 9vm by Die Ark by die N.G. Kerk Secunda-Oos/Goedehoop-gemeente en belangstellendes is welkom om dié vergadering by te woon.

Vir meer inligting, skakel me. Launa Jansen van Vuuren by 061 065 7417.