Bethal-SAVF is opgewonde oor groei
Dié dorp se Suid Afrikaanse Vroue Federasie (SAVF) was opgewonde om hul maatskaplike kantoor op Woensdag, 4 Desember amptelik te open
BETHAL – Dié dorp se Suid-Afrikaanse Vroue Federasie (SAVF) was opgewonde om hul maatskaplike kantoor op Woensdag, 4 Desember amptelik te open.
Die kantoor het na Wichtstraat 90 verskuif en SAVF-Bethal hoop dat hul nou hul volle potensiaal sal kan bereik.
SAVF is ‘n dinamiese gesinsorgorganisasie vir die gemeenskap.
Met behulp van die National Lotteries Commission (NLC) is ‘n huis op die dorp gekoop wat in kantore omskep is.
Dié organisasie bedien behoeftiges van alle rasse en ouderdom.
Leerders van verskeie skole het nuwe rugsakke en ook skooluniforms op die dag van die opening ontvang.
Verteenwoordigers van die NLC, die plaaslike polisie en ook die Departement van Arbeid het die funksie bygewoon.
Me. Hlobisile Nxumalo, bestuurder van Bethal-SAVF, het genoem dat hulle dankbaar en opgewonde oor die nuwe kantoor is.
Skakel 017 647 3345, of stuur ‘n faks na 017 647 4439.
Jy kan ook ‘n e-pos na bethal.admin@savf.co.za of bethal.swo1@savf.co.za stuur.
