Sakeman op Standerton leef sy beginsels uit
Volgens die sakeman, is dit vir karwagte soms moeilik om betyds te wees vanweë die besige tyd by kleinhandelwinkels.
Haweloses op Standerton slaap gedurende die grendeltydperk onder meer langs die Standerton Poskantoor.
‘n Sakeman van die dorp het hom oor hawe- en werkloses ontferm en gee weeksdae om 5nm ‘n koppie koffie en sakkie koekies aan elkeen wat by sy onderneming opdaag.
Volgens hom, is dit vir karwagte soms moeilik om betyds te wees vanweë die besige tyd by kleinhandelwinkels.
“Die getalle wissel tuseen 25 en 35 mense,” het hy gesê.
‘n Ketel het op Woensdag 10 Julie reeds geborrel op ‘n gasstofie agter in die onderneming en koekies was byderhand.
‘n Kort, kragtige Christelike boodskap, voorafgegaan met musiek, is aangebied voordat die aanwesiges buite gestaan en koffie drink het.
Volgens die sakeman, het die die Departement van Maatskaplike Ontwikkeling net na die grendeltydperk in werking getree het, die Standerton Stadsaal beskikbaar gestel.
Die saal was met klere en beddegoed toegerus, maar die haweloses het dit nie gebruik nie.
