Kosmos Aftree-oord in opdraande stryd gewikkel teen Covid-19
Altesaam 19 inwoners het positief getoets, twee negatief en daar word op 30 uitslae gewag. Altesaam 15 personeellede het positief getoets, vyf negatief en daar word op 18 uitslae gewag.
Die bestuurder van die ouetehuis op Standerton, mnr. Jack la Grange, het ‘n paar minute gelede statistieke rondom die koronavirus, sowel as prosedures wat gevolg word, bekendgemaak.
Mnr. La Grange het ter inleiding benadruk dat dit noodsaaklik is om te bepaal wie aangesteek is, en wie nie, om beperkte mannekrag doelmatig aan te wend.
Ook is dit om te verhoed dat personeel onwetend van een aangesteekte persoon na ‘n ander beweeg en op dié wyse blootgestel word.
Hy het ook beklemtoon dat elke pasiënt wat positief toets, se familie dadelik in kennis gestel sal word.
Toetsuitslae kan soms ‘n ruk neem wat ook in ag geneem moet word.
Telefoonoproepe wat beantwoord moet word, kan soms inbreuk maak op die noodsaaklike bestuur van die ouetehuis in die lig van die personeeltekort.
Altesaam 19 inwoners het positief getoets, twee negatief en daar word op 30 uitslae gewag.
Altesaam 15 personeellede het positief getoets, vyf negatief en daar word op 18 uitslae gewag.
Mnr. La Grange het ter afsluiting matrone, Michelle en Joey sowel as die ander personeel vir hul diens bedank en ook almal wat die tehuis in gebede na Bo opdra.
Dear reader,
As your local news provider, we have the duty of keeping you factually informed on Covid-19 developments. As you may have noticed, mis- and disinformation (also known as “fake news”) is circulating online. Caxton Local Media is determined to filter through the masses of information doing the rounds and to separate truth from untruth in order to keep you adequately informed. Local newsrooms follow a strict pre-publication fact-checking protocol. A national task team has been established to assist in bringing you credible news reports on Covid-19.
